أحمد رجب الدكروني، خبير الزواحف، قام بنشر تجربة مثيرة على صفحته بموقع التواصل الإجتماعي "فيسبوك" وعلى قناته علي اليوتيوب، وهذه التجربة المدهشة عبارة عن إستخدام سم الكوبرا المصرية على ٥ أنواع من الثعابين السامة حتى يستطيع معرفه مدي تأثير سم الكوبرا على أبناء جنسها، ونشر التجربة كالأتى:

"إستخدام سم الكوبرا المصرية
Naja haje
على 5 أفاعى سامة ونوع غير سام عن طريق الحقن تحت الجلد
.
أكثر تجربة فى حياتى فى عالم الزواحف أستفيد منها بمعلومات جديدة تماما
توضيح بسيط:
الجرعة المتوسطة المميتة من سم الكوبرا المصرية هى 1.15 ملجم لكل 1 كيلو جرام من الجسم
وانا استخدمت 300مجم لأن ديه أكبر لدغة لأكبر كوبرا مصرية ممكن تلدغها
التجربة كانت لمحاكاة اللدغة الطبيعية
التجربة كالآتى :
تم الحقن تحت الجلد بجرعة 300 مجم من سم الكوبرا المصرية على الأنواع التالية
1_ الحية المقرنة( الطريشة )
Cerastes Cerastes
2_ الحراشف المنشارية(الغريبةالحمراء )
Echis coloratus
3_ افعى الأهرام ( الغريبة السوداء )
Echis pyramidum
4_ ثعبان الأزرود البيتى
Platyceps florulentus

وتم حقن 1جم من سم الكوبرا المصرية تحت الجلد
5_ الكوبرا البخاخ
Naja nubiae
6_ الكوبرا المصرية
Naja haje
النتيجة بعد مرور 40 دقيقة
.
الأ نواع من 1 الى 4
شلل فى الأعصاب بنسبة 80%
.
بعد مرور ساعتين
الأنواع من 1 الى 4
( الموت ) ودة بيأكد عدم إمتلاكهم لمناعة ضد سم الكوبرا المصرية
.
أما الشئ اللى أول مرة اعرفه ان الكوبرا البخاخ Naja nubiae رغم حقنها ب 1جم من سم الكوبرا المصرية ودة يعادل اللدغ من 3 كوبر مصرية إلا انها لم تتأثر نهائيا بالسم
ودة بيأكد ان عندها مناعة ضد سم الكوبرا المصرية Naja haje
والحقيقة بحثت كتير جدا جدا قبل كدة عشان اعرف المعلومة ديه ولم أجد اى شئ حتى فى أكبر مواقع السموم العالمية
توضيح:
( لم أجد اى بحث يثبت إمتلاك الكوبرا البخاخ Naja nubiae مناعة ضد سم الكوبرا المصرية Naja haje ) واكيد فيه كتير عملوا التجربة ولكن لم توثق على المواقع العلمية
.
الكوبرا المصرية ايضا لم تتأثر بسمها لأنها تمتلك مناعة ضد سمها وكل أبناء جنسها
الشئ الثانى المهم جدا
وهو ان كمية السم المستخدمة تم حلبها منذ أكثر من 6 شهور ولم يتم تجفيفها او حفظها فى الثلاجة ومع ذلك لم يتغير مفعولها ولاحتى شكلها ولا لزوجتها
ودة بيأكد ان سموم الأفاعى تظل خطيرة جدا جدا حتى بعد مرور شهور من حلبها
التجربة ضحيت فيها بعينات من الأفاعى نادرة بالنسبالى ولكن فى سبيل معلومات جديدة ومهمة جدا
ودة رابط الفيديو لو حد محتاج يشوف التجربة بشكل عملى ????
https://youtu.be/qwsdQXpVSZ8