24 شعبان 1445

رئيس التحرير محمد فرعون

4 مارس 2024

أسرار ما وراء الطبيعة

: رئيس التحرير: محمد فرعون
: :
نجوم الفن

حمو بيكا لـ هاني شاكر: كفاية تنمر مش كل واحد عنده سلطة يتحكم في البشر

حمو بيكا
حمو بيكا

حرص مؤدي المهرجانات حمو بيكا، على توجيه رسالة حب وشكر إلى كل من دعمه حتى لو بكلمة من متابعيه وجمهوره بعد قرار منعه من الغناء في مصر من نقابة المهن الموسيقية برئاسة الفنان هاني شاكر.

وقال بيكا خلال حلوله ضيفا على برنامج "حبر سري" الذي تقدمه الإعلامية أسماء إبراهيم: "يا جماعة ياريت نفهم أن انا موجوع وتعبان، كفاية تنـمر عليا، اتنـمر عليا مرة واتنين وتلاتة ولسه فيه ناس بتتنمر عليا، بتتنمروا عليا لحساب مين ؟!".

وتابع بيكا: "انا بني آدم زي زيكم والله، الاستاذ هاني حضرتك كنت في ندوة واتنـمر عليا وانت اخويا الكبير وأنا مسامح والله بس كفاية بالله عليك.. أنا اه مش بعرف أقرا أو اكتب بس ربنا خلقلي قلب احس بيه، كفاية تجرحوني".

وأضاف: "مش كل واحد يبقى عنده سلطة يتحكم في البشر ؟!، أنا 5 سنين بعاني وبعافر بس هما شايفين أن احنا مبسوطين وفرحانين، لا انتوا اللي مبسوطين وانتوا اللي معاكم ومعاكم كتير وعندكم كتير بس عمرنا ما بصينالكم، هو ليه لما يكون معايا حاجه حد يبصلي فيها وعايز يأخدها ؟! ده غير مرضي اللي بدفعله في الشهر كتير أوي".

واستكمل: "حسوا بيا لو غلطت في حاجه تعالي وحاسبني وعلمني الصح من الغلط، فاتح بيت وعندي أسرة وعندي مسؤوليات كتير محدش يعلم بيها إلا ربنا، ارجوكم كفاية.. ياريت تحكموا بينا بالعدل زي ما ربنا سبحانه وتعالى بيقول (وَإِذَا حَكَمْتُم بَيْنَ النَّاسِ أَن تَحْكُمُوا بِالْعَدْلِ )، وكفاية تنمر عليا وافتكروا كلام ربنا ( يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ)، وفي النهاية شكراً لكل حد بيدعمني وبيحبني".

جدير بالذكر أن مطرب المهرجانات حمو بيكا بكى خلال استضافته في برنامج "حبر سري" وذلك بعد الحديث عن منعه من الغناء بعد قرار الفنان هاني شاكر نقيب الموسيقيين.

حمو بيكا هاني شاكر نقابة الموسيقيين كفاية تنمر برنامج حبر سري